गौरव पोखरेल।
‘आफू भन्दा गरुङ्गो झोला, हातमा कलम, बिहान बेलुका गृहकार्य, अनि दिउँसो विद्यालय’, यो हो २१ औं शताब्दीका विद्यार्थीको परिचय । तर अहिले कतिपय विद्यार्थीहरुका लागि भने यो परिचय संकुचित साबित भइसकेको छ ।
‘आफू भन्दा गरुङ्गो झोला, हातमा कलम, बिहान बेलुका गृहकार्य, अनि दिउँसो विद्यालय’, यो हो २१ औं शताब्दीका विद्यार्थीको परिचय । तर अहिले कतिपय विद्यार्थीहरुका लागि भने यो परिचय संकुचित साबित भइसकेको छ ।
आज ती निश्चल मन र पवित्र भावनाका पुञ्ज बालबालिकाहरु आफ्नो वाल्यावस्थाबाटै विभिन्न किसिमका रचनात्मक कार्यहरु गरेर समाजमा पृथक छाप छाड्न सफल भइसकेका छन् । बालबालिकाहरु आफूभित्र अन्तरनिहित प्रतिभा तथा क्षमताको माध्यमबाट आज समाजकै महत्वपूर्ण अङ्गका रुपमा स्थापित हुँदै आएको अवस्था छ ।
आज नेपाली बालिका तेरिया फौजा मगरले आफ्नो नृत्य कलाको माध्यमबाट नेपाल र नेपालीको नामलाई विश्वमा शोभायमान गराइन् भने नेपाली बालिका स्वर्णिमा शाक्यले आफ्नो राम्रो अक्षर भएकै कारण अन्तराष्ट्रिय स्तरको अवार्ड हात पारिन् । यसदेखि पछाडि पनि यस्ता अनेकौं बालबालिकाहरुको उदाहरण हामी पाउन सक्छौं जसले नेपाल र नेपालीकै इज्जतलाई अन्तर्राष्ट्रिय स्तरमा नै शोभायमान बनाउन सक्षम भएका छन् ।
नेपाली कलाकारिता क्षेत्रमा पनि हाल एउटा यस्तो बाल प्रतिभा या भनौं बाल हस्ताक्षर चम्किएको छ जसले चार वर्षको कलिलो उमेरमा ‘उदाहरण’ नामक नेपाली चलचित्रको शीर्ष भूमिकामा आफ्नो कुशल कलाकारिता देखाएकी छन् ।
नेपाली कलाकारिता क्षेत्रमा पनि हाल एउटा यस्तो बाल प्रतिभा या भनौं बाल हस्ताक्षर चम्किएको छ जसले चार वर्षको कलिलो उमेरमा ‘उदाहरण’ नामक नेपाली चलचित्रको शीर्ष भूमिकामा आफ्नो कुशल कलाकारिता देखाएकी छन् ।
विक्रम सम्बत् २०६७ साल साउन २० गते जन्मिएकी एनी भट्टराईले ४ वर्षको कलिलो उमेरमा नै एक नेपाली चलचित्रमा शीर्ष भूमिका निभाएकी हुन् ।
नेपाली सिने जगतको क्षेत्रको स-सानो भूमिकामा धेरै बालबालिकाहरुलाई राख्ने गरिएको छ तर एनीले भने ४ वर्षकै उमेरमा मुख्य भूमिका निभाएर नेपालमै एउटा कीर्तिमान राखेकी उक्त फिल्म निर्माण पक्षले दावी गरेको छ ।
उनीद्वारा अभिनित उक्त चलचित्रका निर्देशक असुअसेस गिरी हुन् भने निर्माता डि.पी. शाह चक्रवर्ती हुन् । एनीको सशक्त भूमिका रहेको उक्त चलचित्र यही मंसिरको पहिलो साताबाट देशव्यापी रुपमा प्रदर्शन हुने निर्माण पक्षणले जनाएको छ ।
नेपालका अन्य ख्यातिप्राप्त एवम् बहुचर्चित पुराना कलाकारहरु भुवन चन्द (नेपालकै पहिलो नायिका), निर शाह, सिमान्त उदास, गरिमा पन्त लगायतको अभिनय रहेको उक्त चलचित्रको विषयवस्तु लगभग बालबालिकासँगै मिल्दोजुल्दो रहेको निर्माण युनिटले जनाएको छ ।
नेपालका अन्य ख्यातिप्राप्त एवम् बहुचर्चित पुराना कलाकारहरु भुवन चन्द (नेपालकै पहिलो नायिका), निर शाह, सिमान्त उदास, गरिमा पन्त लगायतको अभिनय रहेको उक्त चलचित्रको विषयवस्तु लगभग बालबालिकासँगै मिल्दोजुल्दो रहेको निर्माण युनिटले जनाएको छ ।
माता एलिना र पिता निलमकी छोरी एनी काठमाडौंस्थित बानेश्वरमा कक्षा एल केजीमा अध्ययनरत छिन् । एनी कलाकारिताको क्षेत्रमा जति अब्बल देखिन्छिन् पढाईको क्षेत्रमा समेत त्यती नै अब्बल रहेकी छिन् ।
विद्यालयमा आयोजना हुने विभिन्न किसिमका अतिरिक्त क्रियाकलापमा समेत भाग लिने उनी विद्यालयकै प्रथम छात्रा हुन् । सामाजिक सञ्जालमा समेत बेला बखत छाउने उनी भविष्यमा दह्रो सम्भावना बोकेर प्रगतिपथमा लम्किरहेकी छिन् ।
निकै सानो उमेरमा उनको यस्तो किसिमको खुबी देखेर सबै तीनछक्क पर्ने गरेका छन् । पुख्यौली घर सुरुङ्गा रहेको एनीका बुबा पत्रकार हुन् ।
उनको बाल मानसपटलको कोमल एवम् सरसिला शब्दकुञ्जले सबैलाई मोहित बनाउने गरेको छ । कक्षा एलकेजीमा मात्र पढ्दै गरेकी एनी सामाजिक सञ्जाल फेसबुक चलाउन पनि खप्पिस छिन् । उनी फुर्सदको समयमा सामाजिक सञ्जालमा रुमल्लिने गर्छिन् ।
उनको बाल मानसपटलको कोमल एवम् सरसिला शब्दकुञ्जले सबैलाई मोहित बनाउने गरेको छ । कक्षा एलकेजीमा मात्र पढ्दै गरेकी एनी सामाजिक सञ्जाल फेसबुक चलाउन पनि खप्पिस छिन् । उनी फुर्सदको समयमा सामाजिक सञ्जालमा रुमल्लिने गर्छिन् ।
पढाईका साथ साथै अतिरिक्त क्रियाकलापमा पनि निकै अग्रणीमा आउने बालिका एनीले भविष्यमा डाक्टर भन्ने लक्ष्य राखेकी छिन् ।
करिब ७ वर्षअघि झापाबाट काठमाडौं लागेको एनीको परिवार काठमाडौंको हावापानीमा जति नै रमाएपनि उनीहरु झापाली भनी आफ्नो परिचय दिन कदापी पनि भुल्दैनन् ।
नितान्त जिज्ञासु तथा कल्पनाशील स्वभावमा बालबालिकाहरु उचित अवसर पाए उनीहरु जस्तोसुकै कार्य समेत सहजै गर्न सक्छन् भन्ने उदाहरणकी एक पात्र बनेकी छिन् एनी । अब सानी बालिका एनीबाट अन्य बालबालिकाहरुले पनि केहि सिक्छन् कि !
No one has commented yet. Be the first!